குறள் - 0158

அறத்துப்பால் - Virtue

இல்லறவியல் - Domestic Virtue

பொறையுடைமை - Forbearance

மிகுதியான் மிக்கவை செய்தாரைத் தாந்தம் 

தகுதியான் வென்று விடல்.

மு.வ உரை:

செருக்கினால் தீங்கானவற்றைச் செய்தவரைத் தாம் தம்முடைய பொறுமைப் பண்பினால் பொறுத்து வென்று விட வேண்டும்.

பரிமேலழகர் உரை 

மிகுதியான் மிக்கவை செய்தாரை= மனச் செருக்கால் தங்கண் தீயவற்றைச் செய்தாரை;

தாம் தம் தகுதியான் வென்று விடல்= தாம் தம்தகுதியான் வென்று விடல்= தாம் தம்முடைய பொறையான் வென்று விடுக.

பரிமேலழகர் உரைவிளக்கம்

தாமும் அவர்கண் தீயவற்றைச் செய்து தோலாது, பொறையான் அவரின் மேம்பட்டு வெல்க என்பதாம். இவை நான்கு பாட்டானும் பிறர் செய்தன பொறுத்தல் சொல்லப்பட்டது.

கருணாநிதி  உரை:

ஆணவங் கொண்டு அநீதி விளைவிப்பவர்களை, நாம் நம் பொறுமைக் குணத்தால் வென்று விடலாம்.

சாலமன் பாப்பையா உரை:

மனச் செருக்கால் தீமை செய்தவரைப் பொறுமையால் வென்றுவிடுக.

Couplet::

Let a man by patience overcome those who through pride commit excesses.

Explanation:

With overweening pride when men with injuries assail, 

 By thine own righteous dealing shalt thou mightily prevail.