குறள் - 0154

அறத்துப்பால் - Virtue

இல்லறவியல் - Domestic Virtue

பொறையுடைமை - Forbearance

நிறையுடைமை நீங்காமை வேண்டின் பொறையுடைமை 

போற்றி யொழுகப் படும்.

மு.வ உரை:

நிறை உடையவனாக இருக்கும் தன்மை தன்னை விட்டு நீங்காமல் இருக்க வேண்டினால், பொறுமையைப் போற்றி ஒழுக வேண்டும்.

பரிமேலழகர் உரை 

நிறையுடைமை நீங்காமை வேண்டின்= ஒருவன் நிறையுடைமையை தன்கண் நின்று நீங்காமை வேண்டுவனாயின்;

பொறையுடைமை போற்றி ஒழுகப் படும்= அவனாற் பொறையுடைமை தன்கண் அழியாமல் காத்து ஒழுகப்படும்.

பரிமேலழகர் உரை விளக்கம்

பொறையுடைமையாற் கல்லது சால்பு இல்லை என்பது ஆயிற்று. இவை நான்கு பாட்டானும் பொறையுடைமையது சிறப்புக் கூறப்பட்டது.

கருணாநிதி  உரை:

பொறுமையின் உறைவிடமாக இருப்பவரைத்தான் நிறைவான மனிதர் என்று உலகம் புகழும்.

சாலமன் பாப்பையா உரை:

சான்றாண்மை நம்மைவிட்டு விலகக்கூடாது என விரும்பினால் பொறுமையைப் பின்பற்றி வாழ வேண்டும்.

Couplet:

If you desire that greatness should never leave, you preserve in your conduct the exercise of patience.

Explanation:

Seek'st thou honour never tarnished to retain; 

 So must thou patience, guarding evermore, maintain.