குறள் - 0035

அறத்துப்பால் - Virtue

பாயிரவியல் - Prologue 

 அறன் வலியுறுத்தல் - Assertion of the Strength of Virtue

அழுக்காறு அவாவெகுளி இன்னாச்சொல் நான்கும் 

 இழுக்கா இயன்றது அறம்.

மு.வ உரை:

பொறாமை, ஆசை, சினம், கடுஞ்சொல் ஆகிய இந்த நான்கு குற்றங்களுக்கும் இடங்கொடுக்காமல் அவற்றைக் கடித்து ஒழுகுவதே அறமாகும்.

பரிமேலழகர் உரை:

(இதன் பொருள்) அழுக்காறு = பிறர் ஆக்கம் பொறாமையும்;

அவா = புலன்கண்மேற் செல்கின்ற அவாவும்;

வெகுளி = அவை ஏதுவாகப் பிறர்பால் வரும் வெகுளியும்;

இன்னாச்சொல் = அதுபற்றிவரும் கடுஞ்சொல்லும் ஆகிய;

நான்கும் இழுக்கா இயன்றது அறம் = இந்நான்கினையும் கடிந்து இடையறாது நடந்தது அறமாவது.

பரிமேலழகர் உரை விளக்கம்:

இதனான் இவற்றோடு விரவியியன்றது அறமெனப்படாது என்பதூஉங் கொள்க.

இவை இரண்டுபாட்டானும் அறத்தினது இயல்பு கூறப்பட்டது.

கருணாநிதி  உரை:

பொறாமை, பேராசை, பொங்கும் கோபம், புண்படுத்தும் சொல் ஆகிய இந்த நான்கும் அறவழிக்குப் பொருந்தாதவைகளாகும்.

சாலமன் பாப்பையா உரை:

பிறர் மேன்மை கண்டு பொறாமை, புலன்கள் போகும் வழிச் செல்லும் ஆசை, இவை தடைபடும் போது வரும் கோபம், கோபத்தில் பிறக்கும் தீய சொல் எனும் இந்நான்கையும் விலக்கித் தொடர்ந்து செய்யப்படுவது அறம்.

Couplet:

That conduct is virtue which is free from these four things, viz, malice, desire, anger and bitter speech.

Explanation:

'Tis virtue when, his footsteps sliding not through envy, wrath, Lust, evil speech-these four, man onwards moves in ordered path.