குறள் - 0156

அறத்துப்பால் - Virtue

இல்லறவியல் - Domestic Virtue

பொறையுடைமை - Forbearance

ஒறுத்தார்க்கு ஒருநாளை இன்பம் பொறுத்தார்க்குப் 

பொன்றுந் துணையும் புகழ்.

மு.வ உரை:

தீங்கு செய்தவரைப் பொறுக்காமல் வருத்தினவர்க்கு ஒருநாள் இன்பமே; பொறுத்தவர்க்கு உலகம் அழியும் வரைக்கும் புகழ் உண்டு.

பரிமேலழகர் உரை 

ஒறுத்தார்க்கு ஒரு நாளை இன்பம்= தமக்குத் தீங்கு செய்தவனை யொறுத்தார்க்கு உண்டாவது, அவ்வொரு நாளை இன்பமே;

பொறுத்தார்க்குப் பொன்றும் துணையும் புகழ்= அதனைப் பொறுத்தார்க்கு 'உலகம்' அழியும் அளவும் புகழ் உண்டாம்.

பரிமேலழகர் உரை விளக்கம்

'ஒருநாளை யின்பம்' அந்நாளொன்றினும் கருதியது முடித்தேம் எனத் தருக்கியிருக்கும் பொய்யின்பம். ஆதாரமாகிய உலகம் பொன்றப் புகழும் பொன்றும் ஆதலின்,ஏற்புடை 'உலகு' என்னும் சொல் வருவிக்கப்பட்டது.

கருணாநிதி  உரை:

தமக்குக் கேடு செய்தவரை மன்னித்திடாமல் தண்டிப்பவர்க்கு அந்த ஒரு நாள் மட்டுமே இன்பமாக அமையும். மறப்போம் மன்னிப்போம் எனப் பொறுமை கடைப் பிடிப்பபோருக்கோ, வாழ்நாள் முழுதும் புகழ்மிக்கதாக அமையும்.

சாலமன் பாப்பையா உரை:

தமக்குத் தீங்கு செய்தவரைத் தண்டித்தவர்க்குத் தண்டித்த அன்று மட்டுமே இன்பம்; பொறுத்துக் கொண்டவர்க்கோ உலகம் அழியும் வரை புகழ் இருக்கும்.

Couplet:

The pleasure of the resentful continues for a day. The praise of the patient will continue until (the final destruction of) the world.

Explanation:

Who wreak their wrath have pleasure for a day; 

 Who bear have praise till earth shall pass away.