குறள் - 0151

அறத்துப்பால் - Virtue

இல்லறவியல் - Domestic Virtue

பொறையுடைமை - Forbearance

அகழ்வாரைத் தாங்கும் நிலம்போலத் தம்மை
இகழ்வார்ப் பொறுத்தல் தலை.

மு.வ உரை:
தன்னை வெட்டுவோரையும் விழாமல் தாங்குகின்ற நிலம் போல், தம்மை இகழ்வாரையும் பொறுப்பதே தலையான பண்பாகும்.

பரிமேலழகர் உரை

அகழ்வார்த் தாங்கும் நிலம்போல= தன்னை அகழ்வாரை வீழாமல் தாங்கும் நிலம்போல;

தம்மை இகழ்வார்ப் பொறுத்தல் தலை= தம்மை அவமதிப்பாரைப் பொறுத்தல் தலையாய அறம்.

பரிமேலழகர் உரைவிளக்கம்:
இகழ்தல் மிகையாயின செய்தலும், சொல்லுதலும்.

கருணாநிதி  உரை:
தன்மீது குழி பறிப்போரையே தாங்குகின்ற பூமியைப் போல் தம்மை இகழ்ந்து பேசுகிறவர்களின் செயலையும் பொறுத்துக் கொள்வதே தலைசிறந்த பண்பாகும்.

சாலமன் பாப்பையா உரை:
தன்னையே தோண்டினாலும் தோண்டுபவர் விழுந்துவிடாதபடி தாங்கும் நிலம் போலத், தன்னை வார்த்தைகளால் அவமதிப்பவரையும் மதித்துப் பொறுப்பது முதன்மை அறம்.

Couplet:
To bear with those who revile us, just as the earth bears up those who dig it, is the first of virtues.

Explanation:
As earth bears up the men who delve into her breast,
To bear with scornful men of virtues is the best.