குறள் - 0040

அறத்துப்பால் - Virtue

பாயிரவியல் - Prologue 

அறன் வலியுறுத்தல் - Assertion of the Strength of Virtue

செயற்பால தோரும் அறனே ஒருவற்கு 

உயற்பால தோரும் பழி.

மு.வ உரை:

ஒருவன் வாழ்நாளில் முயற்சி மேற்கொண்டு செய்யத்தக்கது அறமே. செய்யாமல் காத்து கொள்ளத்தக்கது பழியே.

பரிமேலழகர் உரை:

(இதன்பொருள்) ஒருவற்குச் செயற்பாலது அறனே = ஒருவனுக்குச் செய்தற் பான்மையது நல்வினையே;

உயற்பாலது பழியே = ஒழிதற்பான்மையது தீவினையே.

பரிமேலழகர் உரை விளக்கம்:

ஒரும் என்பன இரண்டும் அசைநிலை.

தேற்றேகாரம் பின்னுங் கூட்டப்பட்டது.

பழிக்கப்படுவதனைப் பழி யென்றார். இதனாற் செய்வதும் ஒழிவதும் நியமிக்கப்பட்டன.

கருணாநிதி  உரை:

பழிக்கத் தக்கவைகளைச் செய்யாமல் பாராட்டத்தக்க அறவழிச் செயல்களில் நாட்டம் கொள்வதே ஒருவர்க்குப் புகழ் சேர்க்கும்.

சாலமன் பாப்பையா உரை:

ஒருவன் செய்யத் தக்கது அறமே; விட்டுவிடத் தக்கவை தீய செயல்களே.

Couplet:

That is virtue which each ought to do, and that is vice which each should shun.

Explanation:

'Virtue' sums the things that should be done; 'Vice' sums the things that man should shun.